Një aksident me pasojë vdekjen ka ndodhur në Greqi, ku ka humbur jetën një 46-vjeçar shqiptar. Aksidenti ka ndodhur pranë fshatit Episkopi. Viktima, identiteti i të cilit nuk është bërë i ditur, ishte me banim në Messina.
Sipas mediave greke, 46-vjeçari shqiptar udhëtonte me një motor kur u përplas me një eskavator. Ky mjet po dilte nga një rrugë dytësore kur përplasi motorin me të cilin udhëtonte shqiptari. 46-vjeçari mbeti fillimisht i plagosur, por fatkeqësisht ndërroi jetë për shkak të plagëve.
Policia greke ka nisur hetimet për zbardhjen e aksidentit. /tvklan.al
