Lideri i VMRO-DPMNE-së, Hristijan Mickoski sot tha se do të marrë pjesë në takimin e liderëve.
“Këto ditë është aktuale çështja e takimit të liderëve. A do të shkojë VMRO-DPMNE dhe çfarë do të bëjë? Së pari, më lejoni të them se synimet e qeverisë për mbledhjen e lidershipit janë të qarta. Ata presin që unë të refuzoj të marr pjesë në një takim të tillë sepse do të diskutohen ndryshimet kushtetuese dhe integrimi evropian. Menjëherë pas këtij akti do të vijojë sulmi se VMRO-DPMNE është antievropiane dhe se VMRO-DPMNE është e izoluar, sepse në takim do të marrin pjesë të gjitha palët shqipëtare. Dhe nëse ka pak mundësi që VMRO-DPMNE të marrë pjesë, atëherë ata megafonët me pagesë të qeverisë do të thonë menjëherë “Ah, pra Mickoski është gati për ndryshime kushtetuese”. Dhe e di që duket fëminore, por kjo është ajo që Kovaçevski e quan plan dhe çfarë tjetër mund të pritet”, tha Mickoski.
Sipas Mickoskit takimi i liderëve është teatër për publikun dhe nuk do të sjellë zgjidhje që i nevojiten popullit.
