Restaurimi nisi në vitin 2017 me një buxhet prej 2.8 milionë Dollarësh dhe synon që të shërbejë për muajin e shenjtë të Ramazanit
Xhamia historike e Egjiptit e al-Hakim bi-Amr Allah, e emëruar pas kalifit të gjashtë Fatimid dhe e vendosur në Kajron e vjetër, u rihap për vizitorët pas rinovimeve.
Projekti i rinovimit për xhaminë historike filloi në vitin 2017 me një buxhet prej 2.8 milionë Dollarësh. Rinovimi, i bërë në bashkëpunim midis autoritetit të antikiteteve të Egjiptit dhe sektit shiit Bohra.
Ai përfshinte restaurim arkitektonik dhe të saktë, si dhe punë mirëmbajtjeje për të shmangur rreziqet dhe për të mbrojtur muret e xhamisë nga efekti i lagështisë dhe kripërave.
“Rihapja e xhamisë al-Hakim bi-Amr Allah konsiderohet një gjë shumë e rëndësishme për Kajron historike pasi kjo xhami është shumë e madhe, gjë që duket në kohëzgjatjen e ndërtimit të saj që zgjati dhjetë vjet. Para rihapjes u bënë shumë përpjekje në studime si dhe restaurim arkitektonik dhe të saktë që xhamia të ishte në formën që shohim tani. Shpresojmë që kjo do të shërbejë një hapësirë për lutje për pesë namazet e rregullta edhe gjatë muajit të shenjtë të Ramazanit.”
Ndërtimi i xhamisë filloi në vitin 990 pas Krishtit dhe përfundoi në vitin 1012 pas Krishtit. Kjo xhami konsiderohet si e dyta më e madhe pas xhamisë së Ahmad Ibn Tulun në Kajro.
Klan News
