Bundestagu gjerman sot do të diskutojë dhe votojë për rezolutën në mbështetje të anëtarësimit të Maqedonisë në BE.
Bundestagu gjerman e njeh gjuhën, kulturën dhe identitetin maqedonas, thotë në një deklaratë për Deutsche Welle, deputeti i Liberalëve (FDP), Thomas Hacker. Si pjesë e shumicës parlamentare, Hacker është një nga iniciatorët e rezolutës së parlamentit gjerman për Maqedoninë e Veriut, e cila do të jetë sot në agjendën e Bundestagut, transmeton zhurnal.mk.
Me këtë rezolutë Bundestagu dëshiron të inkurajojë Maqedoninë e Veriut që nga vera e vitit 2022 të zbatojë kompromisin me Bashkimin Evropian, thotë Hacker, duke aluduar në marrëveshjen për përfshirjen e bullgarëve në Kushtetutë.
Deputeti gjerman thekson se hyrja e Maqedonisë së Veriut në BE është në interes të Gjermanisë dhe BE-së.
“Zbatimi i kompromisit nuk do të çojë në humbjen e gjuhës, kulturës dhe identitetit maqedonas, siç frikësohen nga disa persona të ekspozuar politik në Maqedoninë e Veriut, beson Haker. Sipas tij, përmbushja e marrëveshjes do t’i mundësojë Shkupit të hapë klasterin e parë negociator dhe kjo, siç thekson ai, “është e një rëndësie vendimtare”.
