Modelja tregon se futbollisti Cristiano Ronaldo nuk di të gatuajë
Cristiano Ronaldo dhe Georgina Rodriguez janë së bashku që nga fundi i vitit 2016 dhe çdo detaj nga jeta e tyre private përbën një lajm.
Së fundmi, modelja ka folur për futbollistin e njohur të cilin e ka vlerësuar duke u shprehur se ai është shembull për shumë meshkuj.
28-vjeçarja tregon se ai ka shumë gjëra të mira por gjithashtu ka një defekt, fakti që futbollisti nuk di të gatuajë.
“Cristiano është një super baba dhe partneri më i mirë që mund të ëndërroja ndonjëherë. Defekti i tij i vetëm? Ronaldo nuk gatuan. Ne kemi një kuzhinier, por ndonjëherë gatuaj vetë”, u shpreh ajo.
Siç u zbulua nga mediat e huaja pak kohë më parë, pesë herë fituesi i “Topit të Artë” po kërkonte prej kohësh një kuzhinier të aftë për të përgatitur pjata tradicionale portugeze, por edhe sushi e pica.
Pas disa përzgjedhjeve, Ronaldo arriti të punësonte personin e duhur, i cili aktualisht alternohet me Georginën, së cilës i pëlqen gjithashtu të kalojë kohë në kuzhinë.
Klan News
