Ekipi i FC Shkupi, nga dita e sotme ka filluar përgatitjet për pjesën pranverore të kampionatit 2023/24, në Ligën e parë të futbollit. Në grumbullimin e stafi teknik që drejtohet nga Zhizhoviq ka njoftuar futbollistë me plan programin e punës gjatë fazave përgatitore . Faza e pare do të zhvillohet në Çair, ndërsa ajo kryesore në Antalia të Turqisë. Në grumbullimin e parë u vërejt mungesa e disa nga futbollistët të cilët kishin leje nga stafi teknik shkaku i festive. Ndërkaq në faqen zyrtare janë publikuar edhe emrat e futbollistëve të cilët nuk do të jenë pjesë e FC Shkupit në pjesën pranverore të kampionatit, Bëhet fjalë për futbollistin brazilian Queven të cilit në fund të dhjetorit i skadoi kontrata, ndërkohë me tre futbollistë të tjerë si Niltinho, Hodzic dhe Abazi, ekipi ka ndërprerë bashkëpunimin me marrëveshje dypalëshe.
Drejtuesit e klubit kanë paralajmëruar se ditëve në vijim do të nisim me prezantimin e prurjeve të reja në klub, me të cilët shpresojnë të rrisim edhe më shumë konkurrencën në ekip për arritje sa më të larta./KlanMacedonia
