Mijëra njerëz u mblodhën në qytetin Exmouth për të parë fenomenin e rrallë
Mijëra njerëz të pasionuar pas eklipsit u mblodhën në Australi për të shijuar një eklips diellor hibrid.
“Ishte një moment mjaft i veçantë dhe padyshim hera e parë që ne të gjithë kemi qenë së bashku për të parë diçka të tillë. U thashë fëmijëve se do të duheshin 15 orë për të shijuar vetëm 1 minutë, por ky ishte nga momentet më emocionuese që kam përjetuar ndonjëherë.”
Hëna kaloi diellin për një minutë në orën 11:29 të mëngjesit me orën lokale duke i zhytur shikuesit në errësirë. Spektatorët brohoritën me zë të lartë teksa dëshmuan fenomenin e rrallë natyror.
Eklipset diellore ndodhin kur Dielli, Hëna dhe Toka rreshtohen, plotësisht ose pjesërisht. Në varësi të mënyrës se si ato rreshtohen, eklipset ofrojnë një pamje unike të Diellit ose të Hënës.
Ekzistojnë 4 lloje të eklipsit diellor: total, unazor, i pjesshëm ose hibrid. Eklipsi tjetër hibrid pritet të ndodhë në vitin 2031.
Klan News
