Ministri i Shëndetësisë, Ilir Demiri, ka vizituar sot dy pacientë me fibrozë cistike të cilët kanë marrë ilaçin Trikafta në Klinikën për Sëmundjet e Fëmijëve.
“Stefanija (13) dhe Hatixheja (15) janë dy pacientet e reja me fibrozë cistike që morën ilaçin Trikafta të enjten. Më njoftuan se jeta e tyre tani është më mirë.
Pesë ditë pas marrjes së ilaçit, funksioni i tyre i mushkërive është përmirësuar, terapia modulare jep një efekt të shpejtë. Ato marrin frymë më mirë, kanë oreks të shtuar dhe janë të kënaqura që kanë filluar të marrin ilaçin që do të thotë jetë. Jam i lumtur që po ua kthejmë buzëqeshjen pacienteve, por edhe prindërve të tyre. Deri më tani, 32 pacientë kanë marrë Trikafta dhe gradualisht po përfshihen në terapi. Jam i nderuar që sot pata rastin të takohem dhe të bisedoj me Stefaninë dhe Hatixhenë. Si shteti ashtu edhe Ministria e Shëndetësisë kujdesen për pacientët me fibrozë cistike”, thotë Demiri.
Deri më tani, 32 pacientë kanë marrë Trikafta dhe gradualisht po përfshihen në terapi.
Ilaçi Trikafta është një medikament i sigurt, i miratuar nga Agjencia Evropiane e Barnave dhe efekti i terapisë është i shpejtë, domethënës dhe i qëndrueshëm.
*Fotografia është me miratim nga prindi
