Presidenti i Serbisë, Aleksandar Vuçiq, ka thënë sonte nga Brukseli, se pala kosovare, nuk po do ta përmbushë sipas tij ‘obligimin e saj për themelimin e Asociacionit të Komunave me Shumicë Serbe’.
”Është e qartë se Prishtina nuk dëshiron ta përmbushë zotimin e saj të 10 viteve më parë. Ishte e qartë nga mënyra se si ata e trajtuan draftin e statutit të AKS-së të paraqitur nga ekipi ynë drejtues. Ata thanë se nuk e duan Republikën Srpska”, tha sonte presidenti serb Aleksandar Vuçiq.
