Të dy drejtuan akuza ndaj njëri-tjetrit për politika të dobëta teksa numri i emigrantëve që vijnë ka kaluar shifra rekord
Presidenti Joe Biden dhe Donald Trump kanë bërë vizita në të njëjtën kohë në kufirin amerikan në Teksas, secili duke kërkuar të theksojë se mund të trajtojnë imigracionin e paligjshëm.
Çështja është një nga çështjet më polarizuese në politikën amerikane dhe do të jetë qendrore për zgjedhjet presidenciale të këtij viti. Biden akuzoi rivalin e tij republikan i cili foli për situatën “shumë të rrezikshme në kufi për pengimin e përpjekjeve të tij për të frenuar kalimet e paligjshme.
“Është koha për të vepruar. Kam marrë informim nga Patrulla e Kufirit në kufi, si dhe oficerët e zbatimit të emigracionit dhe azilit, dhe ata të gjithë po bëjnë punë të jashtëzakonshme në kushte shumë të vështira. Ata kanë nevojë dëshpërimisht për më shumë burime. Ata kanë nevojë për më shumë agjentë, më shumë oficerë, më shumë gjyqtarë, më shumë pajisje për të siguruar kufirin tonë. Njerëz, është koha që ne të bëjmë ndryshimin.”
Presidenti amerikan sfidoi Trumpin që t’i bashkohej për t’i thënë Kongresit të miratonte projektligjin e sigurisë së kufirit, duke thënë se masat e tij të propozuara do të shpejtonin procesin e azilit dhe do të pengonin kalimet. Sipas kreut të Shtëpisë së Bardhë në këtë projekt-ligj, përveç 4,300 oficerëve shtesë të azilit, SHBA do të reduktojë procesin në më pak se gjashtë muaj dhe ky afat do të kishte një efekt serioz parandalues për ata që vijnë në veri të kufirit.
Në Teksas, Trump tha se ai do të kujdeset nëse rizgjidhet për çështjen e emigracionit të paligjshëm. Në fjalimin e tij, Trump tha se mijëra emigrantë nga Lindja e Mesme dhe Afrika që po kalojnë ilegalisht nga Meksika janë terroristë.
“Tani Shtetet e Bashkuara po pushtohen nga krimi i emigrantëve Biden. Është një formë e re e një shkeljeje për vendin tonë. Këta janë njerëzit që vijnë në vendin tonë, dhe ata po vijnë nga burgjet, po vijnë nga azilet dhe ata janë terroristë. Ata po lejohen të hyjnë në vendin tonë. Është e tmerrshme dhe për shkak se Joe Biden nuk po bën punën e tij për të rritur dhe siguruar kufirin.”
Më shumë se 6.3 milionë migrantë janë ndaluar duke kaluar ilegalisht në SHBA gjatë mandatit të Biden një numër më i lartë se në presidencat e mëparshme. Megjithatë, ekspertët thonë se arsyet e rritjes janë komplekse. Numri i emigrantëve të kapur duke kaluar ilegalisht kufirin SHBA-Meksikë arriti një rekord mujor prej 250,000 në dhjetor.
Mbështetësit dhe protestuesit u mblodhën gjatë vizitës së Trump në Eagle Pass, një qytet i drejtuar nga demokratët ku republikanët po bëjnë përparim politik duke sulmuar drejtimin e kufirit nga Biden. Shumë prej tyre kërkuan ndihmë ndërsa janë prekur ekonomikisht nga rritja e emigracionit në qytetet rreth kufirit.
Trump u takua me guvernatorin e shtetit, republikanin Greg Abbott, i cili ka kërkuar nga qeveria federale të ndalen kalimet e paligjshme, ndërsa ka transportuar me autobusë emigrantë në qytetet veriore. Ndërkaq nga ana tjetër presidenti amerikan udhëtoi në Teksas së bashku me Sekretarin e Sigurisë Alejandro Mayorkas, për të cilin Dhoma e Përfaqësuesve votoi për të ngritur akuza për shkarkimin e tij, duke e bërë atë përgjegjës për politika të dobëta.
Klan News
