Në spektaklin më argëtues të momentit “Zemër Luana”, me autorësi dhe moderim të Luana Vjollcës kanë qenë të ftuar dy nga repërët më ‘In’ të momentit, MatoLale dhe Marin, ‘u know’. Sigurisht që sfida e tyre ka qenë “S’më dridhet qerpiku”, ose i njohur ndryshe si ‘Paintball’, i krijuar pikërisht nga Luana.
Para fotografive të reperëve të tjerë mes së cilëve Marin dhe Mato kanë patur bashkëpunime, por mund të kenë patur edhe mosmarrëveshje, reperët nuk janë ndalur tek përgjigjet e pyetjeve të tyre. Njëra prej pyetjeve ka qenë: Cili prej artistëve mendon se bën zhurmë pa lidhje?
Kaq ka mjaftuar që dy reperët të qëllojnë pafund foton e Noizy-t, duke shkaktuar paksa kaos në skenë. Ndonëse nuk kanë dashur të flasin, gjuajtjet me armën e ‘Paintball’ drejt fotos të Noizy-t kanë treguar qartë mendimin e tyre./tvklan.al
