Aleanca për Shqiptarët përmes një kumtese ka reaguar rreth asaj siç thuhet se BDI po shfrytëzon institucionet për të shpëtuar veten.
Ja reagimi i plotë:
Krimi, korrupsioni, keqpërdorimi dhe partizimi i institucioneve nga BDI po kalon çdo kufi të turpit dhe degradimit.
Sukseset e Ansamblit të këngëve dhe valleve i takojnë popullit shqiptar dhe gjithë pjesëtarëve të ansamblit dhe për këtë përgëzime të gjithë meritorëve.
Por, defilimet dhe lëpirja e drejtorit para këmbëve të një kryetari partie është e turpshme dhe e patolerueshme. Akoma më e turpshme bëhet kjo kur i detyron anëtarët e ansamblit për të shkuar në një seli partie, për t’u shërbyer nevojave të drejtorit dhe për t’u vënë në agjenda partiake propagandistike.
Fotografitë e publikuara në selinë e BDI-së dhe me kryetarin e kësaj partie dëshmojnë qartë se kush qëndron mbrapa të gjitha aferave korruptive, kush i mbron drejtorët e dyshuar për keqpërdorim të parave dhe institucionit dhe pse rastet e këtilla nuk kanë epilog të drejtë, thuhet në reagimin e ASH-së. /KlanMacedonia/
