Një tifoz 24-vjeçar argjentinas ka vdekur pasi ka rënë nga çatia, gjatë festimeve kaotike të Kupës së Botës në Buenos Aires.
Një djalë pesë vjeçar është gjithashtu në koma me një dëmtim të rëndë në kokë pasi një copë mermeri ra nga një monument në Plaza San Martin.
Shkaku i trazirave, policia u dërgua për të shpërndarë turmat, pasi rreth katër milionë njerëz dolën nëpër rrugët e kryeqytetit.
Një paradë e hapur nëpër qytet u pezullua për shkak të shqetësimeve të sigurisë pasi tifozët u përpoqën të bashkoheshin me lojtarët në autobus.
Pamjet tregojnë një burrë duke u hedhur me sukses nga një urë, duke rënë mes lojtarëve, teksa një tifoz i dytë u hodh shumë vonë, duke goditur pjesën e pasme të autobusit dhe duke rënë në rrugë.
