Drejtori i Qendrës për Menaxhim me Kriza, Stojanço Angellov shprehet se shiu shuajti zjarrin në Galiçicë i cili ishte zjarr aktiv prej 5 ditëve.
Angellov theksoi se gjatë muajit gusht në Maqedoninë e Veriut janë regjistruar 667 zjarre në hapësira të hapura prej të cilave 98 ishin në male.
“Gjatë muajit gusht në territorin e vendit kemi gjithsej 667 zjarre në hapësira të hapura, prej të cilave 98 janë zjarre në male dhe shumica prej tyre u përhapën dhe të vështira për shuarje”, u shpreh Angellov.
Ai shtoi se vetëm dje ka pasur 42 zjarre në hapësira të hapura, ndërsa sot, ka pasur vetëm 25 zjarre në hapësira të hapura.
