Futbolli flet shqip edhe në Malin e Zi, pasi klubi i futbollit Deçiqi nga qyteti i Tuzit, një xhiro para përfundimit të kampionatit 2023/2024 matematikisht kanë siguruar titullin kampion . “Ky është një sukses historik për klubin e futbollit Deçiqi dhe sukses i shqiptarëve të Malit Zi . Unë besoj se ekipi ynë me dinjitet do të përfaqësoj vendin në garat evropiane që organizohen nga UEFA” tha presidenti klubit Pal Dreshaj pas suksesit historik të KF Deçiqi .
Ekipi I Deçiqit gjatë gjithë sezonit ka dominuar duke dëshmuar futboll cilësore përkundër faktit se ndeshjet e veta si vendas i ka zhvilluar jashtë Tuzit shkaku I rikonstrumit dhe adaptimit të stadiumit vendas
Në ndeshjen e para fundit të kampionatit malazez,Deçiqi në transfertë mundi Sutjeskën në Nikshiq me rezultatin 1-0 me një gol të vetëm që e ka realizuar Darko Bozovic. Pra ekipi shqiptar nga mali I Zi kë sukses historik do ta feston para tifozëve vendas në ndeshjen e fundit kampionale kundër Arsena Tivat.
Deçiqi nga 35 ndeshje të zhvilluara deri më tani ka 19 fitore, 10 barazime dhe 6 disfata me gol averazh 52-26 dhe 67 pikë të grumbulluara apo 5 pikë më tepër se Buduqnosti i Podgoricës që ka 61 pikë.
Ky është titulli i parë kampion në histori për skuadrën e Deçiqit, që për herë të parë në elitën e futbollit malazez ka debutuar në sezonin 2006-2007.
Për këtë sukses padyshim merita të mëdha kanë edhe futbollistët shqiptar si Robert Gjelaj, Romario Camaj, Ilir Camaj, Pjetër Lulgjuraj, Leon Ujkaj dhe Mario Gjolaj.
Drejtor sportiv është Fatos Beqiraj, i cili përveç kualitetit të jashtëzakonshëm që ka pasur si futbollist, ka treguar se ka një ‘sy të mirë’ edhe për talentët e futbollit.
Kryetar i klubit është shqiptari Pal Dreshaj, i cili ka afruar rreth klubit shumë shqiptarë që ndihmojnë edhe financiarisht.
