Shumë gjëra mund të mos shkojnë siç duhet te vendi i punës apo evente të ndryshme, një ndër to është dhe tradita e famshme e “Secret Santa Gift”. Personi të cilit po i jep dhuratën mbase nuk do i pëlqejë.
Jeff ka humbur punën pikërisht pas shkëmbimit të dhuratave “Secret Santa”.
Pushimi nga puna erdhi pas një videoje që ai publikoi në Tik Tok ku thoshte: Çfarë është kjo?! Më shumë i ka kushtuar paketimi! (referuar dhuratës që i kishte bërë një kolege zyre)
Ai nuk e hapi dhuratën në zyrë, por e la veten të suprizohej në shtëpi. Duket sikur dhurata e frustroi më shumë se ç’duhej, duke theksuar se nuk do merrte kurrë më pjesë në këtë lojë.
Ishte kolegia e tij që e telefonoi pasi pa videon duke i thënë se këto fjalë mund t’ia thoshte në sy.
“Nëse nuk të pëlqen mos e hidh, sepse ma ka dhënë gjyshja ime para se të ndërronte jetë”, mësohet t’i ketë thënë ajo.
Ndërkohë tek videoja Jeff shprehet: Për një dhuratë të tillë duhet shpenzuar minimalisht 60 dollarë dhe nuk duhet të jetë artikull i sjellë nga shtëpia. Pse ka bërë të kundërtën?!
Kolegia e tij i bëri bllok në të gjitha rrjetet sociale dhe gjërat u përkeqësuan akoma më shumë kur Jeff shkoi në zyrë. Atij i morën çelësin e zyrës dhe i thanë të mblidhte gjërat pasi ishte i pushuar./tvklan.al
