Hetimet tregojnë se autoritetet grekë kanë fundosur qëllimisht anijen për të mos pranuar emigrantët
Dëshmitë e reja hedhin dyshime të mëtejshme mbi versionin e rojes bregdetare greke për ngjarjet rreth fundosjes së varkës muajin e kaluar në Pylos të Greqisë. Dy të mbijetuar kanë përshkruar se si roja bregdetare ushtroi presion mbi ata për të akuzuar nëntë egjiptianë që ndodheshin në bord si trafikantë.
Një video e re që tregon anijen e mbipopulluar përballet me vështirësi kur iu afrua anijes cisternë Faithful Warrior. Pamjet janë filmuar kur roja bregdetare pretendoi se anija nuk kishte nevojë për ndihmë dhe nga verifikimet e fundit tregon se – ishte filmuar nga vetë roja bregdetare.
BBC raporton se hetimet e fundit tregojnë mospërputhje serioze midis deklaratave të dëshmitarëve të të mbijetuarve dhe deklaratave të dhëna nga roja bregdetare greke. Të mbijetuarit nga katastrofa thonë se emigrantët heshtën dhe u frikësuan nga autoritetet greke, duke treguar kështu se roja bregdetare greke mund të kenë qenë fajtore për tragjedinë.
Zbulimet ngrenë pyetje të reja se si autoritetet greke i trajtojnë fatkeqësi të tilla. Menjëherë pas fundosjes së anijes në 14 qershor, nëntë burra egjiptianë u arrestuan dhe u akuzuan për vrasje dhe kontrabandë njerëzish ndërsa përballen me burgim të përjetshëm nëse shpallen fajtorë.
Gjatë muajit të fundit janë ngritur akuza se roja bregdetare ka përdorur një litar për të tërhequr anijen, duke bërë që ajo të fundoset. Mes të tjerash mediat shkruajnë se roja bregdetare greke e ka bërë qëllimisht këtë me argumentin se Italia duhej të merrej me emigrantët për aq kohë sa destinacioni i tyre ishte atje.
Tv Klan
