Çmimet e naftës ranë më shumë se 1 dollarë të martën, duke zgjatur në kohë uljen e një dite më parë, pasi kolapsi i Silicon Valley Bank tronditi tregjet e aksioneve dhe ngjalli frikë për një krizë të re financiare.
Kontratat e së ardhmes së naftës Brent ranë 87 cent, në 79.90 dollarë për fuçi. Furnizimet e naftës së papërpunuar të Teksasit Perëndimor ranë 85 cent, në 73.93 dollarë për fuçi.
Mbyllja e papritur e Silicon Valley Bank, shkaktoi shqetësime për rreziqe për bankat e tjera si pasojë e rritjes së mprehtë të normave të interesit të Rezervës Federale të SHBA-së gjatë vitit të kaluar. Situata gjithashtu nxiti spekulime nëse banka qendrore mund të ngadalësojë ritmin e shtrëngimit të saj monetar.
Autoritetet amerikane ndërmorën masa urgjente për të forcuar besimin në sistemin bankar pasi frika e ‘infektimit’ nga dështimi i Silicon Valley Bank çoi në një shitje të aktiveve të SHBA në fund të javës së kaluar.
Përtej ‘valëve tronditëse’ të Silicon Valley Bank, çmimet e naftës ishin gjithashtu nën presion për shkak të shenjave të një rikuperimi ekonomik më të dobët se sa pritej në Kinë, pavarësisht heqjes së kufizimeve të saj të rrepta kundër përhapjes së COVID-19.
Zyra e statistikave e Kinës publikoi të dhëna javën e kaluar që tregonin se inflacioni i konsumatorit në ekonominë e dytë më të madhe në botë u ngadalësua në shkallën më të ulët në një vit në shkurt, me blerësit që mbetën të kujdesshëm edhe pasi kufizimet në kuadër të pandemisë u hoqën në fund të 2022 – shit.
/SCAN
