Shtëpia e futbollit evropian (UEFA) ka lëshuar një deklaratë zyrtare lidhur me kërcënimet që ka marrë nga Shteti Islamik ISIS, lidhur me zhvillimin e ndeshjeve të fazës çerekfinale të Ligës së Kampionëve.
Në njoftimin e tyre, UEFA bën të ditur se është e vetëdijshme nga kërcënimet që ka marrë, por ka njoftuar se ndeshjet do të zhvillohen sipas orarit.
“Jemi të vetëdijshëm për kërcënimet e supozuara terroriste të bëra ndaj ndeshjeve të Ligës së Kampionëve të kësaj jave dhe janë duke u lidhur ngushtë me autoritetet në vendet përkatëse. Të gjitha ndeshjet e sotme tani janë planifikuar të zhvillohen siç është planifikuar me të gjitha masat e sigurisë në vend”, thuhet në njoftimin e tyre.
ISIS kishte kërcënuar sot qendrat e vendeve evropiane për sulme të mundshme në stadiumet ku do të zhvillohen ndeshjet e Ligës së Kampionëve.
Policia e Madridit është vënë në funksion menjëherë për të ofruar siguri për tifozët.
Sot do të zhvillohen dy ndeshje. Real Madridi do të pres në shtëpi Manchester Cityn, teksa në Londër do të zhvillohet takimi mes Arsenalit e Bayern Munich.
Këto ndeshje i përkasin fazës së çerekfinaleve në Ligën e Kampionëve.
