Zyrtarë të mbrojtjes izraelite bëjnë të ditur se Izraeli ka rënë dakord të lejojë dërgesat e karburantit në Gaza për operacione humanitare.
Është hera e parë që Izraeli ka lejuar karburant në enklavën e rrethuar palestineze që kur Hamasi nisi sulmin e tij më 7 Tetor, raporton Sky News.
COGAT, organi izraelit i mbrojtjes përgjegjës për çështjet palestineze, njoftoi se do të lejojë kamionët e OKB-së të mbushen në vendkalimin Rafah në kufirin egjiptian më vonë sot.
Vendimi është në përgjigje të një kërkese nga SHBA, por nuk u dha detaje se në cilën orë do të transportoheshin dërgesat. Mbrojtja izraelite tha se po lejonte 24,000 litra (6,340 gallon) karburant në Gaza.
Furnizimet u ndaluan të hynin në rajon pas sulmit të grupit militant, me Izraelin që tha se Hamasi do të devijonte karburantin për përdorimin e tij ushtarak.
Por agjencitë e ndihmës janë lutur që dërgesat të rifillojnë, me spitalet tashmë të detyruara të mbyllen dhe operacionet humanitare në prag të kolapsit për shkak të varfërimit të furnizimeve./tvklan.al
