Dy persona rezultojnë të zhdukur në Sarandë këtë të Mërkurë.
Policia bën me dije se një 45 vjeçar dhe një 52 vjeçar kanë humbur kontaktet me familjarët. Forcat blu të Sarandës kanë nisur kërkimet në terren për gjetjen e tyre.
“Në Komisariatin e Policisë Sarandë, është kallëzuar nga shtetasi G. P., 53 vjeç, banues në Fier, se ka humbur kontaktet me vëllanë e tij, shtetasin F. S., 45 vjeç, banues në Sarandë. Gjithashtu është kallëzuar nga shtetasja E. Th., 76 vjeçe, banuese në Sarandë, se ka humbur kontaktet me djalin e saj, shtetasin L. Th., 52 vjeç, banues në Sarandë.
Specialistët për Hetimin e Krimit në Komisariatin e Policisë Sarandë për të dyja rastet kanë referuar materialet në Prokurorinë e Sarandës dhe kanë bërë shpalljen në kërkim të shtetasve F. S dhe L. Th. Shërbimet e Komisariatit të Policisë Sarandë vijojnë verifikimet dhe kontrollet në terren, për gjetjen e këtyre shtetasve”, thuhet në njoftimin zyrtar të policisë./tvklan.al
