Zbulohet një vrimë e zezë gjigande, ndoshta më e madhja deri më sot e vrojtuar nga njeriu. rezulton të jetë 32 miliard herë më e madhe se Dielli, dhe ndodhet 2.7 mld vite dritë larg Tokës, në galaktikën Abell 1201, që ndodhet në mes të një zone kozmike e rrethuar nga mijëra galaktika të tjera.
Zbulimi është bërë nga puna kërkimore e Universitetit Durham në mbretërinë e Bashkuar, bazuar në të dhënat e teleskopit hapësinor Hubble.
Teknika e përdorur për të konfirmuar zbulimin e saj ka qenë nëpërmjet fenomenit të ashtuquajtur Lentja gravitacionale, që shfrytëzon perthyerjen e dritës falë prezencës së masave të mëdha, teori e parashikuar edhe nga relativiteti I Albert Einstein, për të cilën ekspertët shpjegojnë se mund të përdoret në të ardhmen për të zbuluar edhe elementë të tjerë kozmikë, siç janë vrimat e zeza inaktive.
Më pas të dhënat janë përpunuar me supercomputer që kanë arritur të bëjnë të gjitha përllogaritjet Studimi është publikuar në revistën shkencore të “Royal Astronomical Society”.
Klan News
