Ish kryeministri i Republikës së Maqedonisë së Veriut Zoran Zaev në ditën e demokracisë uron gjithë qytetarët duke thënë se sot vendosin ata që votojnë. Dhe jo ata që ikin. Demokracia është votë. Zëri i çdo individi. Një zë i dëgjuar, i kuptuar, i respektuar. Zëri i të gjitha grupeve në shoqërinë tonë.
“Kjo është një kohë e përballjes me pandeminë dhe një luftë. Kohë që autokratët duan të përdorin për të dominuar edhe më fort popullin, duke i mbajtur ata në frikë dhe pasiguri. Por populli ynë është i mençur dhe trim. Me zë demokratik kemi penguar ata që duan ta vrasin demokracinë me dhunë dhe gjak”, thotë Zaev përmes një video mesazhi.
Sot, shton ai, vendosin ata që votojnë, jo ata që ikin. Zaev mes tjerash thotë se ne ndaluam sundimin me popullin. Sot kemi Qeverinë e popullit.
Më tej ai thotë se “edhe kur respekton zërin e qytetarëve, demokracia mbetet e shkruar si fituese në histori”./KlanMacedonia
