Kryeparlamentari Talat Xhaferi në konferencën e sotme me gazetarë lidhur me shpenzimet e larta të udhëtimit të deputetëve theksoi se Kuvendi nuk ka instrumente për të vlerësuar besueshmërinë e të drejtës së deputetit.
“Para së gjithash, Rregullorja përcakton kushtet në të cilat ushtrohet e drejta e shpenzimeve rrugore dhe shfrytëzimi i banesës për atë qëllim, pra si alternativë. Kushtet janë të përcaktuara në Rregulloren e Punës, ku secili deputet e dëshmon praninë e tij me nënshkrimin e listës së pjesëmarrjes në seancën e Kuvendit, gjegjësisht në seancën e trupave punues dhe në këtë kontekst askush nuk mund ta kontestojë atë të drejtë, përderisa siç vërtetohet me nënshkrim. Kuvendi nuk ka instrumente të tjera për të shqyrtuar besueshmërinë e së drejtës së deputetit, sepse konsiderohet se deputeti nuk përgjigjet me kushtetutë para kryetarit të Kuvendit apo shërbimit parlamentar”, tha Xhaferi.
Sipas kryeparlamentarit Xhaferi, nëse ka indikacione për keqpërdorime, atëherë duhet të inicohet një procedurë tjetër nga një institucion tjetër.
“Në këtë kontekst, mendoj se nuk kam asnjë koment. Dhe tani, qofshin ato të larta apo jo, kjo është rregullorja, këto janë lighet dhe brenda kësaj duhet të paguhet, tha ai.
