Trajneri i Barcelonës, Xavi, ka kërkuar durim pasi sezoni i tyre 2022/23 në La Liga filloi me një barazim 0-0 kundër Rayo Vallecano.
Afrimi i katalanasve te ndeshja u dominua nga përpjekjet e tyre për të regjistruar blerjet e verës në La Liga përpara afatit.
Barcelona kompletoi dokumentet dje për katër nga pesë lojtarët e saj të rinj me Jules Kounde që mungoi kundër skuadrës së Andoni Iraolës.
Pavarësisht se krijoi raste gjatë gjithë kohës, Barcelona nuk ishte në gjendje të gjente një rrugëdalje, kundër miqve luftarakë, në një natë që ishte zhgënjyese për vendasit.
“Rayo u mbrojt shumë mirë. Na detyroi që të gjenerojmë më shumë shanse se normalja”, ka thënë trajneri i Barcelona-s pas ndeshjes.
“Është për të ardhur keq, pasi ne donim t’u tregonim tifozëve se jemi në rrugën e duhur. Është zhgënjyese, por ne kërkojmë durim”.
Barcelona pritet të jetë e zënë në ditët në vijim, pasi drejtuesit e klubit synojnë të ulin shpenzimet për pagat dhe të bëjnë të mundur regjistrimin e Kounde në skuadër.
Fundjavën e ardhshme, skuadrën e Xavi-t e pret një udhëtim në vendin Bask për t’u përballur me Real Sociedad më 21 gusht.
