Një gjeneral rus është vrarë gjatë luftimeve në Ukrainën lindore. Lajmi është bërë i ditur nga një gazetar i medias shtetërore ruse.
Bëhet fjalë për gjeneral-major Roman Kutuzov, i cili është një nga disa ushtarakët e lartë rusë që ka mbetur i vrarë në frontin e luftës.
Megjithatë, nuk janë bërë të ditura rrethanat dhe vendi ku mbeti i vrarë gjeneral-majori rus.
Nga Ministria ruse e Mbrojtjes nuk është bërë asnjë koment. Vdekjet në luftën e Ukrainës, Rusia po i klasifikon si sekrete shtetërore, raporton Reuters, dhe nuk i ka përditësuar shifrat zyrtare të ushtarëve të vrarë që prej 25 Marsit.
Ndërkohë, forcat ruse kanë intensifikuar luftimet në Sievierodonetsk, qytet kyç në rajonin lindor të Donbasit. /tvklan.al
