Me ndeshjet e xhiros së parë, të shtunën edhe zyrtarisht filloi kampionati republikan i volejbollit në Ligën e parë për meshkuj dhe femra. Tre skuadrat tetovare në kategorinë e meshkujve kampionatin e ri e nisë sa vijon: Shkëndija dhe Liria e Zherovjani shënuan fitore, ndërsa Universiteti i Tetovës humbi.
Shkëndija e Tetovës kthehet me tre pikë nga ndeshje me ekipin e Sushevës në cilësinë mysafirit me rezultatin 3-0 në sete 18:25, 23-25 dhe 18-25. Trajneri Durim Luma tha se është i kënaqur me këtë fitore pasi të nisish kampionatin me tre pikë nga jashtë megjithatë është sukses edhe pse ekipi tetovar ka përvoj dhe cilësi shumë më të madhe se kundërshtari .
Lira e Zherovjani në sallën e shkollë fillore “Goce Dellçev” në Tetovë në cilësinë e vendasit mundi skuadrën nga Strumica, Makedonija Xhio, me rezultatin maksimal 3-0 në sete 25- 9, 25-6 dhe 25-11. “Ishte një fitore e lehtë ashtu siç edhe pritej, në lojë inkuadruam të gjithë lojtarët që kemi në diskonim dhe të cilët me angazhim maksimal luajtën gjatë tri seteve. Vazhdojm me kë ritëm edhe në ndeshjet e radhës” tha trajneri Sadik Ferati
Universiteti i Tetovës para tifozëve vendas nuk mundi ti bënë ballë ekipit kampion Strumicës, duke humbur me rezultatin 0-3 në sete 15-25, 11-25 dhe 13-25. “ Ekipi Kampioni ishte më i përgatitur dhe me merrit shënoi fitore” tha kapiteni i Universitetit të Tetovës Hamza Veseli,
Në tre ndeshjet tjera Rabotniçki në Shkup pësoi humbje nga Vesna Probishtip 2-3, UGD Shtipi mundi Borecin 3-0, ndërsa Vardari pësoi humbje nga Janta Volej 0-3
Rezultatet e xhiros së pare, në kategorinë e meshkujve:
Rabotniçki – Vesna Probishtip 2-3
UGD Shtip – Boreci 3-0
Liria – Makedonija Xhio 3-0 (25-9 , 25-6 dhe 25-11
Susheva – Shkëndija 0-3 (18:25, 23-25 dhe 18-25)
Vardari – Janta Volej 0-3
Universiteti i Tetovës – Strumica 0-3 (15-25, 11-25 dhe 13-25)
Në Ligën e Parë, në kategorinë e vajzave në xhiron e parë të kampionatit 2023/2024, u shënuan këto rezultate:
Vardari EM- Janta Volej 0-3
Strumica Vajzat – Fit Fan Volej 3-0
Vardari Vajzat- Nakovski Volej 0-3
Mladosti UGD – Rabotniçki Vajzat 1-3
