Arben Dunisha- Të gjithë së bashku jemi të motivuar për të triumfuar
Me ndeshjen UGD Shtip – Liria e Zherovjanit që zhvillohet të hënën me fillim në ora 20:00, do të kompletohet java e katërt e kampionatit të volejbollit në kategorinë e meshkujve. Ekipi nga Zherovjani është optimiste e se edhe nga Shtipi mund të kthehen me fitore . Në prag të ndeshjes së nesërme , zëvendës trajneri Arben Dunisha për Klan Maqedoni, deklaroi:
”Ekipi i Lirisë së Zherovjanit ngadalë është duke u konsoliduar dhe djemtë po bëjnë përpjekje maksimale që në fushë të tregohen të suksesshëm. Të gjithë së bashku jemi të motivuar për të triumfuar , pa dallim, a luajmë si vendas apo mysafir dhe pres që ashtu si e filluam kampionatin ashtu edhe të vazhdojmë me fitore”.
Në ndeshjen hapëse të javës së katërt ekipi i Universitetit të Tetovës nga Strumica u kthye kryelartë pasi ka shënuar fitore 3-0 kundër ekipit Makedonija Xhio.
Shkëndija në ndeshjen me kampionin në fuqi ekipin e Strumicës mbrëmë në sallën e gjimnazit, ka pësuar humbje 0-3. Ndërsa në ndeshjet tjera që u zhvilluan mbrëmë fitore kanë shënuar edhe Rabotniçki kundër Sushevës, Boreci kundër Vardarit dhe Vesna Probishtip kundër Janta Volej .
Java e katërt, rezultatet: :
Makedoinija Xhio – Universiteti i Tetovës 0-3
Shkëndija – Strumica 0-3
Rabotniçki – Susheva, 3-2
Boreci – Vardari 3-0
Vesna Probishtip – Janta Volej. 3-0
UGD Shtipi – KV Liria të hënën /KlanMacedonia/
