Dy ndeshjet e javës së tetë të sezonit vjeshtor në ligën e parë të volejbollit në kategorinë e meshkujve kanë përfunduar me fitore maksimale për ekipin Liria kundër Universitetit të Tetovës dhe Shkëndija në transfertë kundër Borecit në Veles.
Në sallën e shkollës fillore “Goce Dellçev” në Tetovë, skuadra nga Zherovjani ekipi Liria ka shënuar fitore maksimale kundër ekipit Universiteti i Tetovës 3-0 në sete 25-23, 25-13 dhe 25-18. Për skuadrën nga Zherovjani ishte kjo fitorja e shtatë sezonale ku kanë pësuar edhe një humbje dhe vazhdojnë të mbajnë pozitën e dytë në tabelë, pas Strumicës.
“Me një lojë ku i gjithë ekipi dha kontributin e vetë maksimal shënuam fitore të merituar. Do vazhdojmë edhe tej rrugëtimin e sukseseve” tha trajneri Sadik Ferati pas ndeshjes së sotme
Në Veles, u takuan Boreci vendas dhe Shkëndija e Tetovës dy rival të vjetër në volejbollin e Maqedonisë së Veriut. Kësaj radhe ishte ekipi tetovar që sadopak iu hakmor skuadrës nga Velesi për disfatën në sezonin e kaluar në Tetovë, duke e mundur me rezultat maksimal 3-0 në sete 25-14, 25-12 dhe 25-23.
“Lojtarët e ri të ekipit tonë nga ndeshja në ndeshje dëshmojnë cilësitë e veta, kështu ishte edhe sonte duke dhënë maksimumin nga vetja që rezultoi me fitore maksimale. Uroj djemtë për këtë fitore” tha trajneri Durim Luma pas kthimit nga Velesi
Për ekipin kuqezi ishte kjo fitorja e pestë sezonale, ku kanë pësuar edhe tre humbje.
Rezultatet:
Liria – Universiteti i Tetovës 3-0 (25-23, 25-13 25-18)
Boreci – Shkëndija 0-3 (14-25, 12-25 dhe 23-25
