Në ndeshjet e xhiros së dytë të kampionatit republikan të volejbollit për meshkuj tre skuadrat tetovare Shkëndija , Liria dhe Universiteti i Tetovës, kanë shënuar fitore maksimale ndaj kundërshtarëve të tyre Vardarit, Borecit dhe Janta Volej.
Klubi i volejbollit Shkëndija edhe në ndeshjen e dytë të kampionatit të 2023/2024, ka shënuar fitore, kësaj radhe në cilësinë e vendasit kundër Vardarit të Shkupit 3-0 në sete 25-14, 25-8 dhe 25-5. Trajneri Durim Luma pas lojës deklaroi “Jam shumë kënaqur me lojën dhe fitoren, sidomos me dy lojtarët e ri Andi Idrizi dhe Berin Osmani të cilët gjatë tri seteve ishin bartës të lojës duke kontribuar në fitoren e dytë sezonale”.
Fitoren e dytë sezonale e ka shënuar edhe skuadra nga Zherovjani , Liria, kësaj radhe nga nën kampioni aktual dhe finalisti i Kupës ekipit të Borecit në Veles me rezultatin maksimal 0-3 në sete 17-25, 19-25 dhe 14-25. “Ashtu siç premtuam neve kthehemi me tri pikë të mëdha nga Velesi ku mundëm ekipin e Borecit. Figura qendrore në këtë ndeshje ishte volejbollisti Dejan Dimovski. Liria do të vazhdon rrugëtimin e sukseseve” tha trajneri Sadik Ferati
Fitore në transfertë ka shënuar edhe ekipi i studentor Universiteti i Tetovës, kundër Janta Volejt në Shkup me rezultat maksimal 3-0 në sete. Kapiteni Hamza Veseli pas kthimit në Tetovë deklaroi “Neve e mbajtëm fjalën e dhënë se kundër Janta Volej do të shënojmë fitore të sigurt dhe këtë arritëm. Të gjitha lojtarët tanë dhanë gjithçka nga vetja dhe mundi i tyre solli fitore maksimale”
Rezultatet:
Shkëndija – Vardari 3-0
Boreci – Liria 0-3
Janta Volej – KV Universiteti i Tetovës 0-3
