Ministri i Mbrojtjes së Kosovës, Ejup Maqedonci ka njoftuar se Komisioni i Përhershëm drejtues i Asamblesë Parlamentare të NATO-s ka marrë vendimin që Kosova nga vëzhgues parlamentar të pranohet si shtet anëtar i asociuar.
Këtë vendim Maqedonci e ka quajtur si një hap i madh para për sigurinë dhe prosperitetin e Kosovës dhe rajonit.
Ai ka shtuar se anëtarësimi i Kosovës në NATO dhe në Bashkimin Europian janë “thelbësore për çdo vend demokratik”. Deputeti i Lëvizjes Vetëvendosje, Driton Hyseni, i cili është kryesues i Delegacionit të Kuvendit të Kosovës në Asamblenë Parlamentare të NATO-s, ka bërë të ditur se gjatë punimeve të së dielës të Komisionit të Përhershëm drejtues të kësaj asambleje, e cila mbahet në Estoni, Kosovës i është ngritur statusi në nivelin e anëtarit të asociuar.
The Standing Committee of NATO PA decided today to upgrade the Assembly of 🇽🇰 from parliamentary observer to associate member. This is a big step forward for the security & prosperity of 🇽🇰 and the region.
Membership in both @NATO & #EU is essential for every democratic country. pic.twitter.com/mh5N5KqdF5
— Ejup Maqedonci (@EjupMaqedonci) March 24, 2024
