VDEKJA E TË RIUT NGA GOSTIVARI
Vdekja tragjike e 43-vjecarit, Edmond Amzai nga Gostivari, ka tronditur këtë qytet dhe jo vetëm.
Partitë politike shqiptare, në shenjë nderimi për familjarët e viktimës kanë pezulluar aktivitetet parazgjedhore.
“Të tronditur nga lajmi për aksidentin me ç’rast humbi jetën i riu Gostivaras, me pikëllim të thellë shprehim ngushëllimet më të sinqerta familjarëve. Në të njëjtën kohë, ju njoftojmë se shtabi komunal i BDI-së në Gostivar dhe Frontit Europian, pezullojnë aktivitetet parazgjedhore për sot dhe nesër”, tha Jakupi.
Njëjtë kanë vepruar edhe nga koalicioni VLEN.
“Tubimi i Koalicionit VLEN i paraparë për sonte në Gostivar në ora 20:30, do të anulohet për shkak që gjatë ditës ka humbur jetën në një aksident trafiku i riu nga Gostivari Edmond Amzai dhe në shenjë respekti anulojmë aktivitetet e parapara për sot. Ndërsa familjes Amzai, miqve dhe të gjithë gostivarasve ju shprehim ngushëllimet e sinqerta!”, thanë nga VLEN.
Ndryshe 43-vjeçari Edmond Amzai nga Gostivari ka ndërruar jetë mëngjesin e sotëm në një aksident trafiuku në hyrje të qytetit të Velesit. Ai ka qenë pronar i Foto Studio “Akon” nga Gostivari dhe pas vetes la bashkëshorten dhe një fëmijë./tvklan.mk/
