FRIKË DHE PANIK NGA KAOSI INFORMATIV
Nxënësit e shkollave të mesme ndjejnë se është cënuar siguria dhe komfori i tyre si të rinj – thonë nga Unioni I Nxënësve të Shkollave të Mesme, pas rastit të fundit me rrëmbimin dhe vrasjen e 14-vjeçares, Vanja Gjorçevska, e cila ishte nxënëse e shkollës fillore “Johan Hajnrih Pestaloci”, në Komunën Qendër të Shkupit.
“Bëjmë thirrje që në këtë periudhë intenzivisht të ketë kujdes në shëndetin mental, veçanërisht nëpër shkolla, si mjedise shumë të rëndësishme që janë goditur nga ky rast. Kjo tragjedi do të na shërbejë si mësim mizor për kujdes më të madh, empati dhe unitet” – thonë nga UNSHM.
Krahas pasigurisë, nga UNSHM-ja potencojnë frikën dhe panikun që shkaktohen nga, sic thonë, kaosit informativ në media dhe rrjete sociale.
“Mos arsmimi ynë mediatik ka pasoja serioze që përkeqësojnë dhe prolongojnë efektin e ngjarjeve të këtilla tragjike. Është evidente se ka një revoltë të madhe gjithandej e pranishme, por në horizont, si përgjigje, nuk ka ndryshim të realitetit. Besojmë se kjo ka të bëjë me nivelin e ulët të njohurive me sistemin demokratik, proceset dhe lëvizjet” – thonë nga UNSHM.
UNSHM-ja përsëriti kërkesën që nëpër shkolla të mësohet arsimi mediatik, sic thonë, si parakusht, për të prodhuar qytetarë aktiv.
