Çlirimi i vendbanimeve pranë Bakhmutit do të lejonte ushtrinë ukrainase të përparonte në jug
Forcat ukrainase kanë rimarrë disa territore në frontin lindor dhe kanë avancuar në jug. Presidenti Volodymyr Zelenskiy bëri të ditur se ushtarët arritën që të merrnin një fshat në krahun jugor të Bakhmut, Kjo është fitorja e dytë me e rëndësishme e Ukrainës, gjatë kundërofensivës.
“Dëshiroj të përgëzoj veçanërisht ushtarët që hap pas hapi po i kthejnë Ukrainës atë që i takon, përkatësisht në zonën e Bakhmutit”, tha Zelenskiy në fjalimin e tij drejtuar kombit.
Lufta e rëndë për fshatin Klishchiivka ka zgjatur javë dhe vjen pasi Kievi kishte marrë kontrollin e një fshati të vogël aty pranë Andriivka. Përfitimet kanë qenë ndër më të rëndësishmet në kundërsulmin e Ukrainës, qe filloi në Qershor dhe ka luftuar për të thyer linjat ruse.
Pasi rimorën fshatin në një video forcat ukrainase shihen duke shfaqur flamurin kombëtar blu dhe të verdhë në ndërtesat e rrënuara me zhurmën e luftimeve në sfond.
Klishchiivka, ashtu si Andriivka dhe vendbanimet e tjera në Ukrainën lindore ranë në duart e Rusisë në Maj. Analistët ushtarakë ukrainas thanë se këtë javë çlirimi i vendbanimeve pranë Bakhmutit do të lejonte ushtrinë të përparonte nga krahu jugor në zonën e Bakhmutit.
Më tej në jug në rajonin e Donetskut, trupat ukrainase vijojnë të frenojnë një ofensivë ruse drejt qyteteve Avdiivka dhe Maryinka. Forcat ukrainase po përpiqen të avancojnë drejt Detit Azov në jug që synon të shkatërrojë forcat ruse.
Ndërkaq Rusia kreu një valë të re sulmesh ajrore dhe bombardimesh në Ukrainë, duke vrarë dy persona dhe duke plagosur katër persona në rajonin jugor të Khersonit. Forcat ajrore të Ukrainës thanë se 18 nga 24 dronë rusë u rrëzuan mes tyre edhe 17 raketa të cilat dëmtuan disa ndërtesa.
Nga ana tjetër Krimea ishte sërish nën objektivin ukrainas. Ministria e Mbrojtjes e Rusisë tha se forcat e saj rrëzuan tre drone ukrainas mbi Krimenë jugperëndimore dhe dy mjete të tjera ajrore pa pilot në të njëjtën zonë.
Klan News
