Shërbimi i sigurisë i Ukrainës mori përgjegjësinë të mërkurën për një shpërthim që dëmtoi rëndë urën e Kerçit që lidh Krimenë me Rusinë.
Shpërthimi, për të cilin autoritetet ruse thanë se ishte shkaktuar nga një kamion bombë, la të vdekur tre persona, shkruan Euronews, transmeton Klan Kosova.
Në një fjalim televiziv, kreu i Shërbimit të Sigurisë së Ukrainës, Vasyl Malyuk tha se agjencia e tij qëndronte pas sulmit.
Kievi deri më tani nuk kishte zbuluar se ishte pas shpërthimit.
“Kishte shumë operacione të ndryshme, operacione speciale. Ne do të jemi në gjendje të flasim për disa prej tyre publikisht dhe me zë të lartë pas fitores, nuk do të flasim fare për të tjerët”, tha Malyuk. “Është një nga veprimet tona, përkatësisht shkatërrimi i urës së Krimesë më 8 tetor të vitit të kaluar”.
