Kievi njoftoi se Rusia ka kryer sulme të reja raketore që shkaktuan ndërprerje të energjisë elektrike.
Paralajmërimet për sulm ajror që jehuan në të gjithë vendin mbrëmë, u pezulluan mëngjesin e sotëm, njoftoi DPA.
Andrij Jermak, shefi i kabinetit të presidentit, tha se raketat u hodhën nga aeroplanë në zonat e pushtuara nga Rusia në Ukrainë.
Si masë të kujdesit që të parandalohen dëme të mëtejshme, energjia elektrike është ndërprerë në kryeqytetin Kiev dhe rrethinën e tij, si dhe në zonën industriale të Dnjepropetrovsk dhe rajonin e Detit të Zi të Odesës, bëri të ditur ofrusi i energjisë DTEK.
Të paktën dy raketa u raportuan në rajonin Hmelnicki në pjesën perëndimore të vendit.
“U dëgua një shpërthim në Hmelnicki. Qëndroni në strehimore, i paralajmëroi njerëzit guvernatori ushtarak Serhi Hamali në Telegram.
Menjëherë më pas u raportua për një shpërthim të dytë.
Kryebashkiaku i Hmelnickit, Aleksandar Simçishin informoi se dy civilë janë plagosur pasi një raketë ruse goditi një zonë banimi në qytetin perëndimor Hmelnicki.
Guvernatori ushtarak i rajonit të Detit të Zi Mikolaev, Vitali Kim, në Telegram tregoi një foto të një rakete të supozuar ruse. Ai paralajmëroi se dy raketa fluturuan mbi rajonin në perëndim.
