A PO PËRDOR SHKUPI UJË TË KONTAMINUAR?
Të gjitha të mbjellat në arat e banorëve të fshatit Rahçe shkuan poshtë.
Shumë ka dëm të bërë. Sivjet nuk ka se si ta përshkruaj.
Mua më ka bërë dëm krejt fushën e kam këtu.
Sa hektarë?
Është mbi 1 hektarë.
Çka e ke pas të mbjelltë?
E kom pas me kompira, kunguj, bahçe, patlixhan, groshë. Krejt ara, ajo që është më e madhja, aty nuk ka më asgjë, krejt është ndër ujë, tha Sali Hoxha, banor.
Në vlerë a e kë bë hesap se sa dëm të ka bërë vetëm këtë verë?
Mbi 10 000 euro. Mundin që ia kam dhënë, bereqetin që e ka humbur, plus edhe që duhet ta blej.
Tjetër punë a bën ti? A veç me tokë?
Unë kam edhe stallë, fermën e lopëve.
Duhesh mi ushqi ata, tash si ia bën?
Mbi 10 000 euro dëm kam unë. Si do e përballoj këtë dimër?, tha Zimer Hoxha, banor.
Përveç dëmit të madh që iu është shkaktuar banorëve, uji i Vardarit përzihet me ujërat e zeza.
E ky ujë përfundon në rezervuarin e ujësjellësit, prej ku furnizohet me ujë i gjithë kryeqyteti.
Edhe te ujësjellësi ka hy sigurisht.
Ujërat e pista vijnë nëpër tokat tona. Vijnë përreth shpijave, era nuk durohet natën.
Krejt kjo në më pak se 1 kilometra prej burimit.
Po, më pak se 1 kilometër i ka, a ujërat e zeza hyjnë në Vardar, tha një banor.
Vardari ka vërshuar edhe hapësirën afër burimit. E gjithë kjo për shkak se shtrati i Lumit Vardar nuk është i rregulluar. Banorët thonë se me vite kërkojnë që të rregullohet shtrati, për shkak se përveç se mund të vijë deri tek kontaminimi i ujit që e përdor kryeqyteti, po ua shkatërron edhe të mbjellat.
Përveç se uji i Rahçes nuk është i sigurt, rrjeti i vjetër i ujësjellësit ndikon që humbjet e ujit për pije të kalojnë edhe mbi 50%./KlanMacedonia
