Trajneri i Spanjës, Luis Enrique, ka shprehur dëshirën që Argjentina të fitojë Kupën e Botës për shkak të Lionel Messit, nëse ai dështon ta bëjë këtë me Spanjën.
52-vjeçari tha se dëshiron që Messi të shijojë lavdinë në Katar .
“Nëse Spanja nuk e fiton Kupën e Botës, unë do të doja që Argjentina ta fitonte atë për shkak të Messit. Do të ishte e padrejtë që Messi të tërhiqej pa fituar një Kupë Bote”, tha Enrique.
Tani në moshën 35-vjeçare, lojtari i Paris Saint-Germain mund të mos ketë më kurrë një shans tjetër për të fituar Kupën e Botës.
Enrique fitoi Ligën e Kampionëve, La Ligën dhe Kupën e Botës për Klube me Messin te Barcelona, raporton Goal, transmeton Klankosova.tv.
Spanja e nis turneun javën e ardhshme pasi përballet me Kosta Rikën në Grupin E, ndërsa Argjentina së pari luan me Arabinë Saudite në Grupin C.
