Lëshoi flakadanë në takimin Marseille – Eintracht Frankfurt
Një tifoz i Marseille akuzohet për vrasje të mbetur në tentativë, pasi pranoi se kishte lëshuar një flakadan në drejtim të një mbështetësi të Eintracht Frankfurt gjatë ndeshjes së Champions League më 13 shtator në Francë.
Prokuroria identifikoi një 26-vjeçar si të dyshuar i cili rrëfeu gjithçka gjatë marrjes në pyetje dhe më pas gjykata formuloi akuzën veç vrasjes së mbetur në tentativë edhe dhunë ndërkombëtare, mbajtje e përdorim materialesh piroteknike brenda një fushe sportive.
Pavarësisht forcave të shtuara policore dhuna nuk u frenua dhe gjatë përleshjeve pati të plagosur, ndërsa 17 persona u arrestuan, mes tyre 3 gjermanë.
Njëri nga të lënduarit u paraqit në gjendje të rëndë në spital. Dhuna në stadiume është kthyer në një problem të rëndë në stadiumet e Francës, ku në disa raste sezonin e kaluar janë ndërprerë ndeshjet.
Tv Klan
