Pritet që të marrin pjesë mbi 150 lojtar të shahut nga rajoni
Në organizim të klubit të shahut “Anpasan” dhe Shoqatës Kulturore “Vizion M” me organizator teknik Federata e Shahut e Maqedonisë Veriut më 26 qershor (e diel), në Tetovë, mbahet edicioni i dytë turneu ndërkombëtar i shahut, ku do të grumbullohen mbi 150 lojtarë më të mirë të shahut nga rajoni.
“Deri më sot pjesëmarrjen e kanë konfirmuar mbi 100 lojtar të shahut nga rajoni, por deri të dielën pritet që pjesëmarrjen e tyre ta konfirmojnë mbi 150 shahista të cilët janë të ranguar me pike të Federatës ndërkombëtare të Shahut (FIDE). Qëllimi është afirmimi i lojës së shahut në këtë nënqiell sidomos tek mosha e re ” tha Nazmidin Imeri kryetar i KSH “Anpasan”.
Ndër emrat më të njohur që do të jenë të pranishëm në këtë manifestim të shahut janë: Landi Pasku kampion i Shqipërisë, Nderim Saraqi kampion i Kosovës, Nikolla Nikollovski, njëri ndër lojtarët më të mire të shahut në Maqedninë e Veriut dhe mjeshtër të tjerë nga Serbia, Bullgaria dhe vendet tjera të rajonit.
Turneu do të zhvillohet me sistemin zvicerian apo me nëntë xhiro sipas rregullave të FIDE-s. Arbitër kryesor do të jenë Sashko Llakinski një arbiter me liçencë ndërkombëtare dhe Burhanedin Misimi sekretar Federatës Kosovare të Shahut por do të ketë edhe pesë arbitra ndihmës.
Pë rekuizitat e shahut do do të përkujdesen organizatori dhe Federata e Shahut të RMV-së. Garat e shut do të mbahen në sheshin “Ilirija” në Tetovë. Hapja solemne e turneut është caktuar për në orën 10:00, të dielën më 26 qershor. Organizatori për më të mirët organizatori ka siguruar dhurata adekuate.
/KlanMacedonia/
