LIKOVA DHE HARAÇINA MARRIN LEJET
145 fëmijët e kopshtit “Rilindja” nga sot do të mund të mësojnë hapat e parë drejt të ardhmes në hapsirat e reja të ndërtuara me ndihmën e BE-së. Megjithatë, asgjë nuk përfundon këtu, pasi lista e pritjes në Tetovë vazhdon të mbetet me numër treshifror.
Drejtoresha e cerdhës pret zvogëlim të listës në dy muajt e ardhshëm.
“Fillimi i shtatorit ka qenë ashtu, por ne vazhdimisht kemi bërë pranim të fëmijëve. Disa fëmijë nuk janë adaptuar, dhe lista ka mbetur e tillë. Aktualisht kemi rreth 150 fëmijë, prej të cilëve 60 janë regjistruar tashmë në kopsht dhe pritet të fillojnë nga shkurti ose marsi. Kur të mbushet kapaciteti i kësaj cerdhje, numri i listës do të zvogëlohet,” tha drejtoresha.
Kryeministri Hristijan Mickoski e ka detyruar Fatmir Limanin të lëshojë pëlqimet për cerdhën në Likovë dhe Haracinë. Sipas Limanit, Komuna e Haracinës dhe e Likovës i kanë marrë të gjitha lejet dhe miratimet e duhura dy javët e fundit.
“Lejet janë në dispozicion, pëlqimet për punësime janë dhënë, dhe tani duhet të përgatitemi për të bërë kërkesa të tjera për punësime të reja. Po ashtu, është përmbyllur edhe furnizimi, të cilin e hapëm publikisht për të konkurruar të gjitha komunat për projektet e reja. I ftoj të gjitha komunat të konkurrojnë pa dallime politike,” shtoi Limani.
Ambasadori i Bashkimit Europian, i cili mori pjesë në këtë ngjarje, theksoi se cerdhët duhet të jenë vende të sigurta për prindërit dhe fëmijët. “Ata duhet të marrin shërbime në përputhje me ligjin dhe të kenë cilësi të lartë, sepse kjo do të ndikojë gjithashtu në fuqizimin e grave, pasi cerdhët duhet të mbushen me profesioniste që kujdesen për fëmijët,” tha ai.
