Një tërmet me magnitudë 7.8 ballë ka goditur Turqinë jugore, ka njoftuar të hënën Shërbimi Gjeologjik i Shteteve të Bashkuara (USGS).
Tërmeti është regjistruar rreth orës 04:17 sipas kohës lokale. Thellësia e tërmetit është 24.1 kilometra (14.9 milje), e vendosur 23 kilometra (14.2 milje) në lindje të Nurdagi, provinca Gaziantep.
Pasgoditje të forta janë ndjerë në Turqinë jugore dhe qendrore. Rreth 11 minuta pas goditjes së tërmetit kryesor, pasgoditja më e fortë prej 6.7 ballë goditi rreth 32 kilometra (20 milje) në veriperëndim të epiqendrës së tërmetit kryesor. Një tjetër tronditje e fortë me magnitudë 5.6 ka ndodhur 19 minuta pas tërmetit kryesor.
