Në ditën e tretë të luftimeve në kryeqytetin e Sudanit, Khartoum, raportohet për shtëna masive me armë zjarri dhe shpërthime. Sipas asaj që shkruan BBC, të paktën 100 civilë mbetën të vrarë gjatë përplasjeve të dhunshme.
Luftimet vijnë si pasojë e një përplasjeje mes liderëve të ushtrisë së Sudanit dhe një grupi paramilitar rival. Të dielën palët mbajtën armëpushim të përkohshëm në mënyrë që lejohej evakuimi i të plagosurve.
Liderët rajonalë shpresojnë që të mund të udhëtojnë drejt Sudanit sot në mënyrë që të ndihmojnë në dhënien fund të dhunës, ndërsa vijojnë thirrjet për bisedime, me qëllim rivendosjen e qeverisë civile./tvklan.al
