Arben Taravari në ClickPlus tha se Ali Ahmeti duhet të përgatitet për në opozitë pasi opozita është për burrat dhe se sipas tij është e mirë që të reflektojë si politikan i matur dhe si politikan i urtë.
“Unë i kisha sugjeru zotëri Ahmetit që dalngadal të përgatiten për në opozitë, edhe opozita është mirë. Opozita është për burrat. Ai është politikanë me përvojë. Të përgatitet, të rifreskohet, të reflektojë, të ndryshojë”, tha Taravari.
Ai poashtu shtoi se nuk pret që Ahmeti të radikalizohet.
“Zotëri Ahmeti është njeri me përvojë, politikan me përvojë dhe besoj se edhe ai ka informata, se ne komunikojmë edhe me faktorë politikë por edhe faktorë ndërkombëtar kështu që nuk besoj se bën ndonjë gafë, as që i frigohemi sepse ka marrë përgjigjen prej qytetarëve se është koha për rotacion”, tha Taravari.
