I dërguari i Bashkimit Evropian (BE) për dialogun Kosovë-Serbi, Miroslav Lajçak, ka mbledhur në një takim urgjent këshilltarët diplomatikë të liderëve evropianë, e po ashtu edhe të dërguarin amerikan për Ballkanin Perëndimor, Gabriel Escobar.
Përmes një postimi në rrjetin social “Twitter”, Lajçak shkruan se në këtë takim janë diskutuar hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës.
”Konsultime intensive dhe shumë thelbësore me kryekëshilltarët diplomatikë Bonne, Plötner, Talo dhe Escobar. Diskutuam hapat e ardhshëm në zbatimin e Marrëveshjes për rrugën drejt normalizimit dhe situatën në veri të Kosovës. Faleminderit për mbështetjen e plotë”, shkruan Lajçak.
Intense and very substantial consultations with Chief diplomatic advisers Bonne, Plötner, Talo and DAS Escobar. We discussed the next steps in the implementation of the Agreement on the Path to Normalisation and the situation in the north of Kosovo. Grateful for the full support. pic.twitter.com/UIFNVQ3IOE
— Miroslav Lajčák (@MiroslavLajcak) September 25, 2023
Në takim morën pjesë këshilltarët diplomatikë të liderëve të Francës, Gjermanisë dhe Italisë./tvklan.al
