Një sulm ajror i fuqishëm vrau të paktën katër persona në qendër të Bejrutit herët të shtunën, tha ministria e Shëndetësisë, duke tundur kryeqytetin libanez ndërsa Izraeli intensifikoi ofensivën kundër grupit Hezbollah, i mbështetur nga Irani.
Sulmi shkatërroi një ndërtesë shtatëkatëshe dhe shkaktoi një numër të madh viktimash dhe të plagosurish, tha Agjencia Kombëtare e Lajmeve të Libanit.
Pamjet e transmetuara nga kanali televiziv libanez Al Jadeed treguan të paktën një ndërtesë të shkatërruar dhe disa të tjera të dëmtuara rëndë rreth saj.
Eksplodimet tronditën kryeqytetin rreth orës 4 të mëngjesit thanë dëshmitarët për Reuters. Burime të sigurisë thanë se të paktën katër bomba u hodhën gjatë sulmit, përcjell Klankosova.tv.
Ky shënoi sulmin e katërt ajror të Izraelit këtë javë që goditi një zonë të qendrës së Bejrutit, në kundërshtim me shumicën e sulmeve të tjera që kanë targetuar lagjet jugore të Bejrutit, të kontrolluara nga Hezbollahu.
