Vendasit kundërsulmojnë në lindje
Goditja me raketa dhe dronë nga ushtria ruse vrau 10 banorë të këtij pallati në Krivi Rih, një qytet në Ukrainën qendrore, vendlindjen e presidentit Volodimir Zelenski. Zyrtarët ukrainas thanë se sulmi i ndodhur në orët e para të mëngjesit të kësaj të Marte, plagosi edhe 28 banorë të tjerë dhe dëmtoi rëndë infrastrukturën civile.
Shkatërrimet janë të rënda dhe ekipet e emergjencës po punojnë intensivisht në përpjekje për të gjetur të mbijetuar të tjerë nën rrënoja. Disa banorë rezultojnë ende të pagjetur.
Ushtria ukrainase njoftoi se shkatërroi 10 nga 14 raketat e hedhura nga rusët dhe disa dronë të modeleve iraniane të përdorura për sulmet. Ndërkaq, rusët dhe ukrainasit po zhvillojnë edhe një betejë filmimesh për të treguar njëra palë mbi dështimin e kundërsulmit ukrainas, ndërsa pala tjetër për suksesin.
Ushtarët ukrainas thonë se kjo video dëshmon rimarrjen e fshatit lindor Makarivka, ndërsa në këto filmime rusët pretendojnë shkatërrimin e disa tankeve gjermane Leopard II, me të cilat janë furnizuar kohët e fundit ukrainasit.
Tv Klan
