Në një ditë historike për sigurinë europiane, Suedia ka festuar anëtarësimin e saj në NATO me një ceremoni të veçantë në selinë e Aleancës në Bruksel. Flamuri i Suedisë u ngrit krenar në prani të zyrtarëve të lartë, duke përfshirë Sekretarin e Përgjithshëm të NATO-s, Jens Stoltenberg, dhe Kryeministrin suedez, Ulf Kristersson, si dhe Princeshën Victoria, duke simbolizuar fillimin e një kapitulli të ri për vendin skandinav.
Stoltenberg dhe Kristersson shprehën optimizmin e tyre për kontributin që Suedia do të bëjë në forcimin e Aleancës dhe në promovimin e stabilitetit në rajonin verior. Me një histori të gjatë neutraliteti, Suedia tani merr pjesë aktive në mbrojtjen kolektive të nenit 5 të NATO-s, duke u bashkuar me vendet e tjera anëtare në ndarjen e përgjegjësive dhe rreziqeve të sigurisë.
Ky zhvillim vjen si përgjigje ndaj sfidave të sigurisë që kanë lindur në kontekstin e konfliktit në Ukrainë, dhe shënon një kthesë të rëndësishme në politikën e jashtme të Suedisë. Me anëtarësimin e saj, Suedia jo vetëm që forcon pozicionin e saj në skenën ndërkombëtare, por edhe kontribuon në një NATO më të madhe dhe më të fortë, në përputhje me fjalët e Stoltenbergut se “NATO u bë më e madhe dhe më fuqishme” pas sulmit të Rusisë ndaj Ukrainës
