Shefi i NATO-s u bëri thirrje aleatëve të investojnë më shumë në mbrojtjen kibernetike
Sekretari i Përgjithshëm i NATO-s, Jens Stoltenberg ka paralajmëruar për një kërcënim në rritje të sulmeve kibernetike në luftën e vazhdueshme në Ukrainë.
“Kibernetika është një hapësirë e kontestuar vazhdimisht dhe kufiri midis paqes, krizës dhe konfliktit është i paqartë. Kjo është arsyeja pse NATO e ka marrë kaq seriozisht kërcënimin ndaj hapësirës kibernetike nga aktorët shtetërorë dhe jo shtetërorë për kaq shumë kohë. Dhe kjo është arsyeja pse ne kemi ndërmarrë hapa për t’u mbrojtur nga sulmet kibernetike”, ka thënë shefi i NATO-s Jens Stoltenberg.
Duke u ndalur tek sulmet e fundit kibernetike kundër satelitëve, infrastrukturës dhe departamenteve qeveritare nga Rusia në Ukrainë ai u shpreh se NATO do të vazhdojë të mbështesë Kievin.
“Ukraina e ka zmbrapsur pushtimin e Rusisë përmes këmbënguljes së popullit të saj dhe mbështetjes së aleatëve të NATO-s. Ne do të vazhdojmë të mbështesim Ukrainën për aq kohë sa të duhet”.
Stoltenberg u bëri thirrje aleatëve që të investojnë më shumë për mbrojtjen kibernetike me më shumë ekspertizë dhe bashkëpunim.
Klan News
