Lionel Messi do të marrë vendimin për të ardhmen e tij, pas Kupës së Botës.
Shtatë herë fituesi i Topit të Artë, Leo Messi po lidhet me një rikthim të mundshëm te skuadra e Barcelonës.
Kur është duke shkuar drejt fundit të kontratës me PSG, Messi është kthyer në qendër të vëmendjes. Emri i tij lidhet me një destinacion: ‘Camp Nou’.
Megjithatë, mediat spanjolle thonë se argjentinasi do të marrë një vendim për të ardhmen e tij, pas Kupës së Botës, përcjell lajmi.net.
Raportime dje nga Veronica Brunati insistonin se Messi do të zyrtarizohet te Barca më 1 korrik të verës tjetër.
Lidhur me një transferim të mundshëm të lojtarit ka folur edhe Xavi Hernandez, i cili ka ftuar spekulimet të ndalen, për të mos e dekoncentruar Messin.
Thuhet se edhe Joan Laporta është i vendosur ta kthejë ikonën argjentinase në ‘Camp Nou’.
